Fagor Elektronikak, MONDRAGON Corporation – MONDRAGON Ventures-ekin batera, Semi Zabalan inbertitu du, GaN HEMT transistoreen garapenean erreferentea den eta 2025eko Enpresa Berritzaile gisa saritua izan den enpresan.

Eragiketa honek Fagor Elektronikaren konpromisoa indartzen du, bai erdieroaleetan berrikuntzarekin, bai dibertsifikazio teknologikoarekin, eta baita Euskadi mikroelektronikaren hub gisa bultzatzeko helburuarekin ere. Miguel Ángel Pérez Sebastiánek, Fagor Elektronikako I+G eta Eraldaketa Digitaleko zuzendariak adierazi duenez, lankidetza honek GaNetan oinarritutako punta-puntako teknologietara sartzeko aukera emango du, katalogoa zabaltzeko eta sektore estrategikoetan —hala nola aeroespazialean— aukera berriak irekitzeko.

Semi Zabalak aurrera jarraitzen du bere “Beyond The Power” proiektu industrialarekin eta duela gutxi Zubietan irekitako bere lantegiarekin, potentzia-erdieroaleen fabrikazio eta testean erreferentziazko zentro bihurtzeko helburuarekin.